--Ads--
Nagpalagip ti Municipal Disaster Risk Reduction and Management Office (MDRRMO)- Itogon, Benguet kadagiti residente ken turista nga agturong kadagiti karayan a masakupan ti nasao a munsipyo nga agannad dagitoy tapno maliklikan ti aksidente, partikular ti panakalmes.
Iti panakiuman ti Bombo Radyo kenni Engineer Cyril Batcagan iti Itogon-MDRRMO, imbinglayna a tinawen a problemada dagiti mapan agpipiknik iti karayan nangruna kadagiti masakupan ti Tinongdan ken Dalupirip.
Sigun kenni Batcagan, kanayon nga adda dagiti malmalmes nangruna tunggal Semana Santa ken summer vacation. Gapu ta delikado, impetteng ti opisyal a nu mabalbalin ket liklikandan ti agturong iti karayan.//Bombo Rob Dominguez
