Temporaryo a saan pay laeng nga ipablaak ti Professional Regulation Commission (PRC) ti nagan dagiti Top 1 iti kalkalpas laeng a March 2026 Physicians Licensure Examination.
Iti impablaak nga abiso ti nasao a komisyon, daytoy ket tapno maikkan ti naanannay a panawen ti panangsukimat ken beripikasyon iti nasao a resulta.
Malaksid iti Top 1, kinumpirmar metlaeng ti nasao a komisyon ti saan paylaeng a panangipablaak ti resulta ti lima pay nga examinees.
Sigun iti nasao nga opisina, maururay pay laeng ti pinal a determinasyon seknan iti liabilities dagitoy iti sidung ti mannarimaan nga pagalagadan ken regulasyon para iti licensure examinations.
Kabayatanna, nailista ti 70.26% a passing rate iti nasao nga eksaminasyon no sadino agarup 1,954 ti pimmasa manipud kadagiti 2,781 nga examinees idi napalabas a bulan.
Mapadpadaanan met ti sumaruno nga addang ti nasao nga ahensya tapno maipablaak ti kumpleto a nagan ken resulta dagiti examinees. //bombokaren.c.s
