BAGUIO CITY – Nagsublin ti panagpasada dagiti agarup 18 a drivers ti Holyghost road kalpasan a nangipatungpal dagitoy iti maysa nga aldaw a ‘Tigil pasada” gapu iti agtultuloy nga epekto ti nangato a presyo ti krudo.
Sigun kenni Barangay Kagawad Eliseo Tadiam, presidente ti PUJ holyghost road, nagsardeng dagitoy iti panagpasada gapu iti panagreklamo dagiti sumagmamano a pasaheros iti voluntary P20.00 fare increase.
Nupay kasta, nangipatungpal dagitoy iti public consulatation kadagiti amin a residente.
Ditoy metten nga immanamong dagiti residente ken insingasingda a mandatory laengan ti fare increase.
Sigun kenni Tadiam, posible nga umdas ti P20 a mangsubsidized iti krudo a mabusbus dagitoy.
Kabayatanna, impeksa daytoy a dakkel ti pagsayaatan ti panakadeklara ti state of calamity tapno maaramat ti calamity funds ti siudad ken dagiti barangay calamity funds para iti a residente.//Bombo Noveh Organo
