Maisagsagana dagiti kaskenan a dokumento para iti pannakaipila ti kaso kontra iti 37-anyos a vendor, tubo ken residente ti Rosario La union, kalpasan a maatap a sinnerrekna ti maysa a stall ken nagtakaw iti momma wenno betel nut.
Maibasar iti report, napasamak ti insidente ti panagtakaw idiay Block 4, Kayang-Hilltop, Baguio City idi April 09, 2026.
Iti imbestigasyon dagiti kapulisan, naimatangan ti maysa a kameng ti pulisya ti suspek a putputudenna ti nylon rope ti nakaserra nga stall.
Kalpasanna dayta, sinnerrekna ti nasao nga stall sakbayna nga inala ti dua a bags ti momma.
Nupay kasta, naarestar metlaeng daytoy kalpasan a rimmuar iti stall.
Nakompiskar manipud iti suspek ti maysa a kutsilyo ken dagiti momma.
Iti kaudian a report ti kapulisan, naiturong iti station ti kapulisan ti suspek.
Napakaamuan metten ti agtagikua iti stall seknan iti napasamak nga insidente.//Bombo Noveh Organo
