Dandanin a mapagtulagan ni Jackie Young ken ti Las Vegas Aces iti maysa a tawen a kontrata nga aggatad iti $1.19 milyon—a mabalin a makailista kenkuana kas kaunaan a player iti WNBA a makagun-od iti nasurok a $1 milion iti tunggal tawen.
Agtaltalinaed ti 28-anyos a ni Young iti bunggoy ti Aces kalpasan ti 2025 season nu sadinno nakairekord daytoy iti 16.5 puntos, 5.1 assists, at 4.5 rebounds tunggal ay-ayam, ken tumulong iti maikatlo a kampeonato iti bunggoy iti uneg iti uppat a tawen.
Sigud a top overall pick ni Young idi tawen 2019 ket addaan iti uppat a daras a nagbalin nga All-Star ken dua a daras a nairaman iti All-WNBA team, kasta metten ti pannakabigbigna a Most Improved Player idi tawen 2022. Addaan daytoy iti dua nga Olympic gold medal.
Puntiria metlaeng iti Aces a mapagtalinaed da A’ja Wilson ken Chelsea Gray para iti sumaruno a season.
