--Ads--
Impetteng ni Akbayan Partylist Representative Chel Diokno a maysa ni Ramil Madriaga kadagiti napateg a testigo iti imbestigasyon ti Kamara kontra kenni Vice President Sara Duterte.
Sigun kenni Diokno, kasapulan a personal a mangngegan iti House Committee on Justice ni Madriaga seknan iti imbestigasyon kontra iti bise presidente.
Ni Madriaga ti naitudo a sigud a “bagman” ni Vice President Duterte ken mannarimaan a nakabalud idiay Taguig gapu iti kaso a kidnapping ken manamnama a sumango iti komite inton Abril 14.
Innayon ni Diokno nga agserbi kas nabileg a testimonya ti panagsao ni Madriaga iti nasao a komite. //bombokaren.c.s
