Pormal nga inbasura ti International Criminal Court (ICC) Appeals Chamber ti apela ni sigud a president Rodrigo Duterte seknan iti jurisdiction ti international tribunal iti kaso daytoy.
Iti panagdengngeg ti nasao a korte iti kalman, binasa ni International Criminal Court Judge Luz del Carmen Ibanez Carranza ti nagbalin a konklusyon ti korte no sadino inbasurada amin a basaran ti apela nga inpila ti kampo ti sigud a presidente.
Impetteng ti nasao a korte a saklawen pay laeng daytoy ti kaso ni sigud a president Rodrigo Duterte gapu ta napasamak daytoy sakbay a naglusulos ti Pilipinas manipud iti international tribunal.
Sigun iti nasao a korte, gapu ta naibasura ti sibubukel nga apela, maikonsidera metlaeng a void ti kiddaw ti depensa a wayawayaan ti sigud a presidente manipud iti kasao a sangsangwen daytoy.
Maibasar iti Article 82(1a) ti International Criminal Court Statute, pinasingkedan ti mayorya ti Appeals Chamber ti immunan a desisyon ti Pre Trial Chamber nga saklawen pay laeng daytoy ti kaso a sangsangwen ti sigud a presidente. //bombokaren.c.s
