Posible nga agtestigo ni sigud a Police Colonel Royina Garma iti panagtultuloy ti panagdengngeg ti International Criminal Court (ICC) kontra kenni sigud a presidente Rodrigo Duterte iti sangsangwenna a kaso a crimes against humanity.
Kinumpirmar ni sigua a senadore Antonio Trillanes IV a naawatna ti nasao nga impormasyon iti posible a panagtestigo ni Garma.
Nupay awan pay ti kumpirmasyon nu enya ti agbalin a testimonya, maipalagip nga immunan a sinmango ni Garma idiay Kamara no sadino inlawlawagna ti maatap a panangiyemplementar iti maawawagan a “Davao Model”.
Sigun kenni Trillanes, malaksid kenni Garma, manamnama nga agtestigo iti ICC ti dadduma pay a personalidad kas kenni sigud a hitmen Edgar Matobato ken Arturo Lascanas, nga immuna metlaeng a nangipaay ti statement seknan iti alegasyon a panangpapatay kabayatan iti ‘war on drugs’ campaign ni sigud a president Rodrigo Duterte. //bombokaren.c.s
