Imbinglay ni Bicol Saro Partylist Representative Terry Ridon a ikonkonisidera na kas nalpassen amin a saritaan seknan iti maatap a confidential fund misuse, bribery, ken unxplained wealth kontra kenni Vice President Sara Duterte ken umdas ti ebidensya tapno maiparuwar ti probable cause iti impeachment case.
“Tapos na ‘yung usapan ng confidential funds misisuse, tapos na ‘yung usapan sa unexplained wealth. Tingin ko may probable cause doon as dalawang bagay na iyon,” sigun kenni Ridon.
Sigun kenni Ridon, nabatad ti basaran dagiti alegason partikular ti report ti Anti-Money Laundering Council a mangibagbaga mga adda iti agarup-kumurang P6.7 billion a mapagduaduaan a transaksyon a konektado kenni Vice President Duterte ken asawa daytoy a ni Atty. Manases Carpio manipud 2006 aginga idi napalabas a tawen.
Impetteng ni Ridon nga uray ibagada nga inflows ken outflows dagiti transaksyon, agtalinaed nga adayo ti diperensya iti indeklara ti bise presidente a kinabaknang daytoy.
Dinakamat daytoy ti maatap a P40 million a transaksyon idi 2022 a saan a maitunos iti deklarasyon ti net worth na nga P70 million laeng.
Innayon pay ni Ridon, uray ti pabakuklan a kita ti agasawa kas abogado ken opisyal ti gobyerno, pakairamanan ti income tax records dagitoy a dumanon iti P73 million ket saan a maitunos iti binilbilyon a transaksyon kadagiti bank accounts dagitoy.
Kabayatanna, manamnama ti desisyon ti House Justice Panel inton 29 seknan iti impeachment complaints a naipila kontra iti bise presidente. //bombokaren.c.s
