Naadaan ti saritaan iti nagbaetan ni President Ferdinand Marcos, Jr. , Ambassador ti France ken Charge D’Affaires ti Embahada ti Czech Republic tapno pagtalantanan ti maipanggep ti kaso ni sigud a mammanday-linteg Zaldy Co nga agingga ita ket saan pay laeng a nabirbirukan dagiti otoridad.
Iti nasao a panagtataripnong, inyebkas ni President Ferdinand Marcos, Jr. ti pannakadismayana nga iti likod nga araramiden ti Pilipinas ti kabaelanna a mangkemmeg kenni Co, agtaltalinaed pay laeng nga ‘at large’ daytoy agingga ita.
Kinnidawna ti pammalawag manipud kadagiti otoridad ti Czech Republic no anya dagiti napasamak ket apay a nawayawayaan ni Co manipud iti ima dagiti otoridad idiay.
Nupay kasta, agtaltalinaed daytoy a kumpiyansa iti natibker nga koneksyon ti Pilipinas iti France ken Czech Republic.
Nangisumitir ti pagilian a Pilipinas ti extrajudicial request tapno maipasubli ni CO iti pagilian, ngem agtaltalianed a karit ti proseso gapu kadagiti legal a teknikalidad ken requirements ti European Jurisdictions.
Ti nasao a panagsarita dagiti nadakamat a dadaulo ket paset iti addang tapno maparegta dagiti pamay-an tapno mapapigsa ti international cooperation kontra kaditi agliblibas manipud iti linteg. //bombokaren.c.s
