Saan a dimmar-ay ni Vice President Sara Duterte iti napasamak nga impeachment hearing idiay House Committee on Justice.
Nupay kasta, naimatangan ti presensyana iti panaglukat ti EXTRA+Ordinary: The Vice President Of the Philippines a maysa a pop-up exhibit idiay Laguna.
Kabayatanna, naituloy ti maika-uppat a public hearing kontra iti bise presidente a nakapokus iti alegasyon ti saan a nasayaat a panagaramatna iti confidential funds, unexplained wealth, ken maatap a death threats kontra kenni President Ferdinand Marcos, Jr. ken ti asawana a ni First Lady Liza Araneta Marcos pakairamanan kenni sigud a House Speaker Martin Romualdez no sadino nakitaan dagiti mammanday-linteg ti probable cause dagiti reklamo a naipila kontra iti bise-presidente. //bombokaren.c.s
