Inwaragawag ni Senate President Vicente Sotoo III a dagos nga aksyonan ti Senado ti Articles of Impeachment kontra kenni Vice President Sara Duterte apaman a maipasa daytoy iti Kamara de Representantes.
Sigun kenni Sotto, iyaplikarda ti “Forthwith” iti nasao a kaso, kayatna a sawen asikasuen a dagos ti senado maysa nga aldaw kalpasan a maawatda dagiti impeachment articles.
Nupay kasta, inlawlawag ti Korte Suprema a ti kayatna a sawen ti “forthwith” iti konstitusyon ket “without a reasonable time” ken saanna kayat a sawen a kasapulan a dagos a maasikaso.
Panggep daytoy nga ikkan ti umdas a panawen ti senado a makapagsagana kas impeachment court.
Nupay kasta, kasapulan metlaeng a maliklikan ti nalabes a pannakaitantan ti hearing.
Daytoy ket nu maipasa ti impeachment complaints kontra iti bise-presidente iti senado.
Maipalagip nga indeklara ti House Justice Committee nga adda ti umdas a basaran dagiti reklamo a naipila kontra kenni Vice President Sara Duterte. //bombokaren.c.s
