Kinondenar dagiti mammanday-linteg iti Batangas ti mapapati nga awan basaranna ken malisioso nga alegasion wenno pammabasol ni Batangas Representative Leandro Leviste kontra kenni Executive Secretary Ralph Recto ken Vilma Santos-Recto.
Iti maysa a resolusion, kinuna dagiti kongresista nga awan iti umno nga ebidensia dagiti akusasion ni Leviste seknan iti mapapati a vote buying ken panagawat iti nasurok P1 bilion a pondo manipod kadagiti kontractor.
Karaman kadagiti nagpirma iti resolusion ni Batangas 6th District Rep. Ryan Recto kadua ti dadduma pay a mammanday-linteg iti nasao a probinsia.
Impaganetgetna a saan a nasayaat nga aramaten ti privilege speech para kadagiti saan a beripikado a pammabasol a mabalin a makadadael iti reputasion dagiti opisial iti gobierno.
Immunan nga inakusaran ni Leviste ni Recto ken sumagmamano a mammanday-linteg iti mapapati a vote buying ken panagawat iti campaign funds manipod iti contractors para iti 2025 elections.
