Kinumpirmar ti International Criminal Court (ICC) a karaman ni Senator Ronald Bato Dela Rosa kadagiti opisyal a listaan ti ‘wanted persons’.
Daytoy ket sigun iti official website ti nasao a korte.
Sigun iti ICC, maibilangen a karaman ni Sen. Dela Rosa kadagiti 33 nga akusado a maikonsidera nga “at large”.
Nailanad iti profile ti senador nga addaan daytoy ti “secret” warrant a naipaulog idi pay laeng Nobyembre idi napalabas a tawen.
Ti nasao a warrant ket ti opisyal nga impablaak ti nasao a korte idi Mayo 11 iti agdama a tawen.
Iti met benneg ni Sen. Dela Rosa, maururay pay laeng ti petisyon daytoy idiay Supreme Court no ipaay daytoy ti kidkiddawenna a a temporary restraining order seknan ti warrant of arrest ti International Criminal Court (ICC). //bombokaren.c.s
