Nakadalyasat ti maysa a Chinese supertanker a naglaon iti agarup 2 milion bariles iti Iraqi crude oil iti Strait of Hormuz idi laeng kalman kalpasan a na-stranded iti Persian Gulf iti nasurok dua a bulan, sigun iti ship-tracking data manipod iti LSEG ken Kpler.
Ti Very Large Crude Carrier a Yuan Hua Hu ket naimatangan metlaeng a paturong iti Zhoushan port idiay China ken manamnama a dumanon inton Hunio 1.
Apagbiit laeng a nagsardeng daytoy iti Gulf of Oman sakbay a nagtuloy iti biahe.
Balligi ti panagdalyasayt daytoy iti tengnga iti kumarkaro a tension iti rehion, kagiddan dagiti report iti nainget a kontrol iti Strait of Hormuz ken dagiti report iti presensia iti US Navy iti aglawlaw iti ruta.
Maibasar iti datos, daytoyen ti maikatlo a nailista a nakadalyasat a Chinese oil tanker iti nailet a pagnaan manipod idi rimsua ti US-Iran conflict idi Pebrero.
