Pimmusay ti maysa a radio broadcaster kalpasan a napaltugan iti asideg ti barangay hall ti Fort Pikit idiay Malidegao, Special Geographic Area of Bangsamoro Autonomous Region in Muslim Mindanao idi Huebes, Mayo 21, 2026.
Nabigbig ti suspek a ni Nestor Micator, agtawen ti 56.
Maibasar iti inisial nga imbestigasion, nakalugan ti biktima ken ti asawana iti motorcyle idi napasamak ti insidente.
Dua a suspek a nakalugan iti motosiklo ti nangpalpaltog iti ulo ni Micator a nangitunda iti dagus nga ipupusayna.
Saan met a nadangran ti asawa ti biktima.
Narekober iti napasamakan ti insidente ti basyo ti bala manipud iti maatap a caliber .45 pistol.
Sigun kadagiti imbestigador, posible a ti motibo dagiti suspek ket adda ti pakainaigan ti trabaho ti biktima ken ti akemna kas miembro ti barangay peace council.
Iti agdama, agtultuloy ti imbestigasyon dagiti otoridad para iti pannakaarestar ti suspek ken ti botibo dagitoy.
