Pinaglibakan ni sigud a Congressman Mike Defensor dagiti alegasyon a pinasuksokanna dagiti nagpaam-ammo nga ex-Marines iti sag-P5 Milyon tapno agtestigo iti panagdengngeg ti Senate Blue Ribbon Committee seknan iti naanomalyaan a flood control anomalies.
Sigun kenni Defensor, awan basaran ti nasao nga akusasyon kontra kenkuana.
Inawagan pay daytoy a “hearsay” ti naawat nga impormasyon ti National Bureau of Investigation (NBI).
Kinuwestionaranna pay nu apay a pinati ti NBI ti inawaganna a saan a naberipika nga account wenno impormasyon.
Immuna metten nga na-isyu-an ni Defensor ti subpoena manipud NBI idi Hunyo 2 seknan iti nasao nga alegasyon.
Impetteng met ni Defensor, agkonsulta pay daytoy iti abogadona seknan iti nasao a subpoena. //bombokaren.c.sapirao
