--Ads--
Kinumpirmar ti Philippine Egg Board Association (PEBA) nga aglaplapusanan ti suplay ti itlog iti pagilian.
Sigun kenni PEBA chairman Gregorio San Diego, mapaspasaran ti oversupply ti itlog gapu iti nababa a demand, overproduction ken ti kinaadu dagiti egg production.
Impetteng ti chairman ti PEBA a rimsua ti parikut kalpasan nga immadu dagiti layer breeder a dimmanon iti 803,000 idi napalabas a tawen.
Sigun kenni Diego, 600,000 laeng a breeder ti kasapulan.
Kabayatanna, namnamaen dagiti egg producers nga umado ti gumatang ken ngumato ti presio iti panagrugi ti school year 2026-2027.
