Imbinglay ni Atty. Jay Batongbacal, maysa nga eksperto iti maritime law nga saan pay nga ta iti tiempo tapno aramaten ti Pilipinas iti Mutual Defense Treaty (MDT) iti Estados Unidos ti maibangbangon nga istrukura ti China idiay Bajo de Masinloc.
Inlawlawag ni Atty. Jay a saan a gapu a soberanya ken teritoryo iti isyu ket saan a basta maiapan daytoy kadagiti internasional a korte.
Nupay kasta, binallaaganna ti gobierno a ti ar-aramiden ti China ket dakkel a pangta iti seguridad iti pagilian.
Innayonna pay a sakbay usaren iti Mutual Defense Treaty (MDT) ket rumbeng nga umuna nga adalen ti gobierno no maibilang daytoy nga “act of aggression” wenno open attack ti China.
Impaganetgetna pay a masapul a naannad ngem natured ti agbalin a sungbat ti pagilian nga agusar iti linteg, diplomasia, ken pannakitinnulong kadagiti kaalyado a pagilian sakbay nga mapasamak iti gubat.//BomboKhey
