Imbilin ti International Criminal Court (ICC) ti baro a medical examination kenni sigud a president Rodrigo Duterte tapno maamuan no kabaelanna a dumar-ay iti panagdengngeg intun Nobiembre 2026.
Iti maika-17 a panid ti desisyon idi Biernes, June 12, 2026, dinutukan ti ICC Trial Chamber III ti tallo a medical experts a mangsukimat iti physical, psychiatric, ken psychological condition ni Duterte.
Masukimat metlaeng ti kapasidadna a makipartisipar iti panagdengngeg.
Dagiti nadutukan a medical experts ket isu metlaeng dagiti nangsukimat iti salun-at ni Duterte idi 2025.
Sigun iti Korte, kasapulan ti baro a medical examination agsipudta limitado ti immun-una nga eksaminasion a naisayangkat idi 2025.
Kabayatanna, ikompara dagiti panel ti resulta ti eksaminasion ita a tawen ken idi 2025.
Maipalagip nga inlaksid ti ICC ti kiddaw ti kampo ni Duterte a ma-adjourn ti panagdengngeg kalpasan a naduktalan a kabaelan ti sigud a presidente a makipartisipar iti pre-trial hearings.
