Ad-adalen ni Acting Senate President Win Gatchalian ken dagiti kakaduana iti Senado ti posible a legal action kontra kenni sigud a congressman Mike Defensor.
Mainaig daytoy iti panangiwaragawag ni Defensor a maangay ti Blue Ribbon hearing idi Martes, June 16, 2026.
Sigun kenni Sen. Gatchalian, luklukwen ni Defensor ti publiko gapu iti panangiwaragawagna a maangay ti panagdengngeg.
Inyunay-unay ni Sen. Gatchalian a saan a chairman, saan a miembrro ken saan a Senador ni Defensor tapno iwaragawagna ti nasao a panagdengngeg.
Sigun pay kenni Gatchalian, nagsaritada kenni Sen. Erwin Tulfo ken ad-adalenda ti legal nga aksion ken posible a ma-destabilated ni Defensor.
Maipalagip nga inlibak ti Senate Blue Ribbon Committee ti hearing nga inwaragawag ti Defensor online.
Sigun iti Senado, saan nga iskedyul wenno autorisado ti panel a naangay idi Martes.
Immuna metten a kinniddaw ni Blue Ribbon Committee chairperson Tulfo iti publiko ken maseknan nga stakeholder a saan nga ikankano dagiti advisory mainaig iti maipagarup a panagdengngeg.
Agtungpal laeng kadagiti opisial a balakad manipud iti panel wenno iti Senado.
