Inwaragawag ni Justice Secretary Fredderick Vida nga inpaulogda ti Immigration Lookout Bulletin Order (ILBO) kontra iti sigud a Coach ti Ateneo de Manila University men’s basketball team a ni Tab Baldwin.
Daytoy ket iti tengnga ti maipatpatungpal nga imbestigasyon seknan iti ipupusay dagiti dua nga Ateneo student-athelete a da Rene Baterbonia ken Divine Adili.
Sigun kenni Vida, ti nasao nga immigration lookout bulletin ket tapno mabantayan iti anyaman a panggep ni Baldwin a rummuar iti pagilian.
“It is intended to alert authorities should the subjects attempt to travel abroad while the investigation is ongoing. It is not by itself a restriction on travel nor a finding of liability,” sigun kennni Justice Secretary Vida.
Iti baet dayta, kinnidaw ni Vida iti publiko a liklikan dagitoy ti anyaman nga spekulasyon bayat a maisaysayangkat ti imbestigasyon.
Maipalagip a pimmusay da Baterbonia ken Adili kabayatan iti maysa a team building activity idiay Dipaculao, Aurora idi Hunyo 8 a nangitunda iti panaglusolos ni Coach Tab kas head coach ti Ateneo basketball men team. //bombokaren.c.sapirao
