BAGUIO CITY- Posible a maipatungpal manen ti sabali a public consultation inton umay a lawas kadagiti nagduduma nga asosasyon ken pederasyon dagiti jeepneys ken taxis iti rehiyon.
Daytoy ket kagiddan ti adu a kommuters nga agrereklamo iti social media iti oanagsingsingir dagiti drivers iti pasahe.
Sigun kenni Glen Dumlao, Regional Director ti Department of Transportation iti rehiyon Cordillera, addun dagiti nakasaritada a drayber ken commuters gapu iti reklamo nga inkapilitan nga agsingsingir dagiti drivers ti voluntary.
Innayonna pay nga idi napalabas a lawas, nakatungtongda ti maysa a kooperatiba nga akin sakop iti maysa a ruta a mairekreklamo tapno sungbatanda dagiti alegasyon kontra kadakuada.
Malaksid iti dayta, makikokoordinarda metlaeng iti nagreklamo iti social media tapno makapatangda metlaeng daytoy. Inyunay-unay ti direktor a maala ti benneg dagiti amin a partido.
Nupay kasta, impetteng ti nasao nga opisyal nga adda karbengan dagiti federation president a makibiang iti nasao a nga issue ken accountable metlaeng dagitoy.
Iti agdama, ti basaran pay laeng ti Department of Transportation iti pamasahe ket P13.00 iti umuna nga uppat a kilometro.
Inlawlawag ni Dumlao a dagiti dadaulo kuma dagiti asosasyon ti mangdisiplina kadagiti ‘nasukir’ a drivers.
Impeksana nga ti maawatanna ti sentimiyento dagiti drivers nangnangruna ta adayo a nangatngato ti presyo ti krudo iti rehiyon Cordillera nu idilig kadagiti dadduma a rehiyon.
Nupay kasta, impetteng a na nu voluntary fare laeng kuma, boluntaryo laeng daytoy nga ipaay dagiti commuters. Impetteng met daytoy nga asikasuenda amin a reklamo a maiyuman kadakuada. // Bombo Noveh Organo
