Impeksa ni Mayor Benjamin Magalong nga agtultuloy ti anti-illegal gambling operation iti siudad ti Baguio.
Iti media interview kenkuana, nagsarita daytoy iti City Director ti Baguio City Police Office iti naglabas a lawas seknan iti nasao nga isyu no sadinno impeksa ti Baguio City Police Office nga agtultuloy latta ti operasyonda seknan iti daytoy.
Ginuyugoy met ti Baguio City Mayor Benjamin Magalong ti publiko nga ireportda kadakuada ti anyaman a pasugalan nga amo dagitoy tapno maberipika, maibestigaran, ken maipasardeng dagitoy.
Mainaig iti dayta, impakaammo ni Mayor Benjamin Magalong a nakaruaren ti suspek iti panagpasabog iti improvised explosive devices iti sugalan idiay Magsaysay, Baguio City a simmango ti kaso pakairamanan ti multiple frustrated murder, malicious mischief ken acts of lasciviousness.
Kabayatanna, iti datos a naawat ti Bombo News Team manipud iti Baguio City Police Office, nangipatungpal dagitoy iti 11 nga operasyon kontra iti illegal gambling manipud bulan ti Enero agingga June 21 iti agdama a tawen no sadino dumanon iti P41,029.00 a gatad ti kwarta ti nakumpiska bayat a 39 ti natiliw gapu iti nasao a kaso.
Sumagmamano kadagiti natiliw ket manipud iti masakupan ti Baguio City Police Office Station 10, Baguio City Police Station 9, ken dadduma pay.//Bombo Noveh Organo
