Impakaamo ti Baguio City Fire Station (BCFS) a bimmaba ti bilang ti napasamak nga uram iti umuna a bulan ita a tawen iti 38% nu idilig iti bilang ti nasapamak nga uram iti isu metlaeng a bulan idi napalabas a tawen.
Sigun kenni BCFS Fire Marshal Fire Superintendent Mark Anthony Dangatan , ada ti pakabuklan a 24 fire incidents manipud Enero agingga Mayo ita a tawen bayat a 39 met ti nairekord da iti kapada a bulan idi napalabas a tawen.
Innayon ni Dangatan a ti panagbaba ti bilang dagiti napasamak nga uram iti siudad ket mangipakita iti resulta dagiti fire prevention campaigns da, panangpapigsa kadagiti fire code enforcement, ken public awareness program dagitoy.
Impakaammo ni Dangatan a bimmaba ti kaso ti residential fire manipud 18 idi napalabas a tawen iti 13 ita a tawen .
Bimmaba metlaeng ti bilang a siyam a ti non-residential fires idi napalabas a tawen iti 3 laengen nga insidente ita a tawen.
Innayonna a binmaba metlaeng manipud 7 nga insidente ti grass fire idi napalabas a tawen iti uppat a kaso ti nasao nga uram ita a tawen.
Kabayatanna, impakaamo ti nasao nga opisyal nga electrical arcing ti kangrunaan a rason dagiti napasamak nga uram ita a tawen. //bombokaren.c.sapirao
