Nangipatungpal ti Baguio City Meat and Fish Task Force iti surprise inspection idiay Dagohoy, Kagitingan, and Lakandula itay kanikadua.
Ti nasao nga addang ket tapno kitaenda nu ada ti ilegal a panangilako ken panangi-serve ti karne ti aso kas paset iti panangitandudo iti food safety standard kadagiti food establishments iti siudad.
Karaman kadagiti naginspek ti Public Order and Safety Division (POSD), City Veterinary and Agriculture Office (CVAO), Bureau of Fisheries and Aquatic Resources (BFAR), Market Traffic and Order Division (MTO), Permits and Licensing Division (PLD), ken Health Services Office (HSO).
Nagleppas ti nasao nga operasyon pasado alas-dyes ti agsapa idi no sadino awan ti nakitada a mailaklako wenno maidiaydiaya a karne iti aso kadagiti panganan kasta metten kadagiti freezers dagiti paglakoan.
Malaksid iti monitoring iti panangilako iti karne ti aso, sinukimatda metlang dagiti health certificates, panagaramat ti personal protective equipment (PPE), ken kinadalus dagiti establisiyemento no sadino maysa nga establisiyento ti naipaayan ti Notice of Violation gapu iti saanda a panangikabil iti umdas a trash bin ken panangaramatda kadagiti saan a rumbeng a waste receptacle. //bombokaren.c.sapirao
