Kinumpirmar ti National Capital Region Police Office (NCRPO) a dua nga inndibidual ti naarestar dagitoy kalpasan iti gulo a napasamak iti nagbaeta dagiti rayilista ken kapulisan idiay EDSA.
Nagramot ti tensyon gapu iti illegal parking ti sumagmamano a bus a nangitunda iti nailet a gunay ti trapiko idiay EDSA-White Plains.
Sigun kenni NCRPO Director MGen. Anthony Aberin, naikaten dagiti nasao a bus ken dagos a nakemmeg dagiti nangaramid iti daytoy.
Kinumpirmar metlaeng ti Aberin a karaman kadagiti naarestar ket maysa a lalaki ken maysa pay a driver a nangdangran iti kapulisan.
Kabayatanna, maysa a pulis ti naitaray iti ospital kalpasan a madunor gapu iti maysa kadagiti bus.
Gapu iti napasamak, nangideploy ti NCRPO ti agarup 5,000 a personnel ken nagkiddawda metlaeng iti reinforcement tapno tumulong a mapagtalianed ti seguridad iti nasao a lugar. //bombokaren.c.sapirao
