--Ads--
Kiniddaw ti Senate Impeachment Court a dumar-ay ni Vice President Sara Duterte iti panagrugi ti impeachment trial kontra kenkuana intun Lunes, July 06, 2026.
Nupay kasta, mabalin nga ibagi ti defense team no saan a mismo a dumar-ay ti bise presidente.
Iti imbitasyon nga impatulod ti Senate Impeachment Court kenni VP Sara idi July 03, makiddaw kenkuana a dumar-ay iti panangrugi ti trial.
Naituding nga agrugi iti 2:00 p.m iti Session Hall ti Senado sadiay Pasay City.
Nabilin metlaeng ti bise presidente nga agtumpal iti amin a bilin, direktiba, ken pangngeddeng ti Senado, maitunos iti Konstitusion ken agdama a linteg.
Iti agdama, awan paylaeng ti pammatalged no personal a dumar-ay ti bise presidnete iti naituding a petsa.
