Naituding a maipasidung iti full alert status ti National Capital Region (NCR) mangrugi inton Lunes kagiddan iti panagrugi ti impeachment trial ni VP Sara Duterte.
Kinumpirmar daytoy ni National Capital Region Police Office (NCRPO) chief PMGen. Anthony Aberin.
Sigun kenkuana, manipud iti agdama a heightened alert status daytoy, mabaliwan pay daytoy iti full alert status.
Kabayatanna, impeksa met ti Philippine National Police (PNP) a nakasagana dagitoyen para iti impeachment trial ti bise-presidente no sadino agarup 6000 a pulis ti maideploy iti aglawlaw ti senado tapno nainget a mabantayan ti seguridad ken urnos.
Sigun kenni PNP Public Information Office chief PCol. Allen Rae Co, binilin ni PNP chief PGen. Jose Melencio Nartatez Jr. ti kapulisan nga agtalinaed dagitoy a disiplinado ken agpokusda a nasayaat iti panagbantay ti seguridad iti aglawlaw. //bombokaren.c.sapirao
