Patien ti grupo a clergy for good governance a sumango ni Sen. Rodante Marcoleta ken dadduma pay a nangangato ti ranggona nga opisiales nga adda sungsungbatanna iti linteg iti korte.
Impaganetget iti grupo a masapul a sangoen ti senador dagiti pammabasol kenkuana ita ta pormal a naipila ti kaso a plunder kontra kenkuana iti Sandiganbayan.
Innayonda pay a no accountability iti dawdawaten iti Iglesia Ni Cristo iti naisayangkat a rally tapno suportaran ni Sen. Marcoleta, rumbeng laeng a sumango isuna iti korte tapno maidatagnsa dagiti ebidensiana.
Sigun met iti maysa a padi, no agpayso nga inosente iti senador saan koma a mabuteng a sumango iti korte wenno dagiti abogado iti Ombudsman.
Impaganetgetna pay a rumbeng laeng a mapilaan metlaeng iti kaso dagiti opisiales a nainaganan iti flood control scandal ken innayonna a saan koma a rason dagiti posisyonda tapno saanda sungbatan ti aniaman a nagbasolada. //bombokheyriparip
