Dukduktalen dagiti kameng iti Smoke Free Task Force ti pakabigbigan iti grupo wenno indibidual nga agrikrikus nga agilaklako iti smuggled cigarettes kadagiti stores.
Iti eksklusibo a pannakiuman iti Bombo Radyo kenni Joshua Daniel Rivera, Communications Relation Officer ti Smoke Free Task Force iti CHSO, kinunana nga isolated ti nasao nga isyu nga im-imbestigaranda.
Ti nasao nga impormasyon ket naduktalanda manipod kadagiti store a natiliwanda metleng.
Inlawlawagna a nasken a maisardeng ti panagilako ti smuggled cigarette gaputa saan a nalawag ti content daytoy kagiddan ti panangdakamatna iti nagviral nga smuggled cigarette idi napalabas a tawen a “tuklaw” manipod idiay Vietnam.
Sipud idi napalabas a tawen, sumagmamano a brands iti smuggled cigarette ti maobserbaranda nu sadinno kadawyan ket modern cigarettes ken mailaklako iti nababa a presio, karaman dagiti vapes a magatgatang iti online gaputa awan permit dagitoy a mangilako iti siudad ti Baguio.
Kabayatanna, ti kadawyan a matiltilawan dagitoy nga stores a mangilaklako iti smuggle ket iti Baguio City Public Market ken kadagiti stores a saanda nga ammo a counterfiet ken smuggled dagiti ilaklakoda.
Gapu iti dayta, napainget ti Information Education Campaign tapno ipakaawatda ti nasao a banag.
Karaman kadagiti pangilasinan a counterfeit wenno smuggled ket awanan daytoy iti BIR Tax Stamp, identical dagiti serial bumbers, nalawa ti kahana, ken awanan iti graphical warning ken dadduma pay.
Makikikoordinar metten ti Smoke Free Task Force kadagiti dadduma nga ahensia. | via Bombo Noveh Organo
