Posible a maipasara ti agarup 1,080 business establishment iti siudad gapu iti kaawan permitda ken pananglabsing iti sanitation regulations.
Sigun keni Geraldine Angulo, dadaulo ti Permits and Licensing Division ti siudad, manipud iti nasao a bilang, 27 ti nagcomply sakbay a naipatungpal ti panangpasara kadagitoy ken 17 ti nagcomply kalpasan iti closure order.
Naduktalan a dagiti apektado a negosyo ket agop-operate nga awan ti business permit na wenno naglabsing iti Tax Ordinance No. 2000-001 ken Presidential Decree No. 856, or the Sanitation Code of the Philippines.
Agtaltalinaed met ti regular inspection babaen iti licensing office ken pannakitinnulong ti Health Services Office (HSO), Public Order and Safety Division (POSD), ken Baguio City Police Office.
Impakaammo met ni Angulo nga agtuloy latta ti panangpasarak kadagiti negosyo a saan nga agtulnog iti pagalagadan ti lokal a gobyerno ti siudad. //bombokaren.c.sapirao
