Patien ni sigud a Presidential Spokesperson Atty. Salvador Panelo a saan a panagpangta ti statement ni Vice President Sara Duterte iti video idi Nobiember 2024.
Iti nasao a video, kinuna a nakipagsarita iti maysa nga ibidual a mangpapatay kada President Ferdinand Marcos Jr., First Lady Liza Marcos ken sigud a House Speaker Martin Romualdez.
Sigun kenni Panelo, saan daytoy a pangta no diket apela iti publiko.
Innayon daytoy a ti insawang ti bise presidente ket panangipakita laeng iti kiddawna iti tulong ken hustisia, iti kanito nga adda ti mapasamak kenkuana.
Impaganetget ni Panelo nga agpulpulong idi ni VP Sara nga adda ti pangta iti biagna ken agkidkiddaw iti tulong ti publiko.
Immuna a naiparang ti November 2024 a video ni VP Sara bayat ti maikadua ken maika-tallo nga impeachment trial daytoy.
Nakapokus dagiti immuna nga impeachment trial iti grave threat article ti impeachment case a sangsangwen ti bise presidente.
