Agkidkiddaw ni Baguio City Engineer Richard Lardizabal manipud iti publiko iti pannakaawat ken anos da seknan iti mannarimaan a dry run testing kadagiti sensor-based traffic signal ken iti pedestrian controller system.
Sigun kenni Engineer Lardizabal, agleppas ti nasao a dry run iti ngudo ti agdama a bulan tapno makakolektada ti umdas a traffic count data a maaramat iti panangitarimaan ti sistema.
Kalpasan iti dry run, adda metlaeng ti maipatungpal a validation sakbay a mafully activate dagiti traffic signals ken ti pedestrian controller system.
Mainaig iti dayta, impetteng metlaeng ni Management Information and Technology Division (MITD) Head Francis Camarao a napateg ti testing phase ti nasao a proyekto tapno makaalada iti eksaksto a datos wenno impormasyon maipanggep iti vehicle volume. //bombokaren.c.sapirao
