Imbilin ni Ombudsman Jesus Crispin “Boying” Remulla kadagiti imbestigador a sukimatenda manen ti maatap nga iregularidad iti konstraksyon ti sports facilities para iti 2019 Southeast Asian Games.
Daytoy ket kalpasan ti lima a tawen, manipud idi naibasura ti kaso gapu iti kinakurang ti ebidensiya.
Sigun kenni Remulla, kitaenda manen ti kaso a naipila kenni Public Works and Highways Secretary Vince Dizon mainaig iti konstraksyon ti sports facilities.
Gapu iti dayta, imbilinna iti staff daytoy a sukimatenda no adda man ti posible a panaglabsing iti linteg.
Daytoy ti kinuna ni Remulla, kalpasan a kinuna ni National Bureau of Investigation director Melvin Matibag idi Martes nga imbestigaren ti NBI dagiti maatap nga anomalia iti pannakaibangon dagiti sports facilities.
Maipalagip a nagserbi ni Dizon kas dadaulo ti Bases Conversion and Development Authority a nangimaton iti pannakaibangon ti New Clark City.
