--Ads--
Maragsakan ti prosekusyon iti desisyon ti Senate Impeachment Court a maipaulog ti subpoena para iti bank records, AMLC reports, ken tax documents ni Vice President Sara Duterte ken ti asawana a ni Manases Carpio.
Sigun iti House prosecution panel, balligi para kadakuada ti nasao nga addang agsipudta mangipaay iti nadagsen nga ebidensiya a mangpaneknek iti maatap a saan a mailawlawag a kinabaknang ti Bise Presidente.
Kabayatanna, inawagan ti depensa ti subpoena kas “fishing expedition” ken panaglabsing iti due process.
Nupay kasta, impaganetget ti korte a saan a mabalin a lapdan ti bank secrecy laws ken confidentiality provisions ti bileg ti Senado kas impeachmen court.
