Nangipatungpal ti walk-protest iti kaunaan a gundaway ti grupo ti Metro Baguio Seniors Kontra Kurakot itay agsapa.
Nangrugi ti protesta manipud Post Office agingga Malcolm Square.
Sigun kenni Jeannette Cawiding, participant ken temporaryo nga agserserbi kas pannakangiwat ti nasao a grupo, saan a gapu ta senior dagituyen ket saanda a kabaelan dagiti araramiden dagiti agtutubo tapno lumaban.
Sigun kenkuana, ti nasao a protesta ket simbolo a dumdumngeg dagitoy ket maseknan dagitoy iti mapaspasamak iti gobyerno.
Kangrunaan nga ipukpukaw dagitoy ket ti pannakaisardeng ti korapsyon no sadino nasken a maisubli dagiti kwarta iti publiko ken rumbeng a madusa dagiti nagbasol.
Innayonna a mapasarunan tupay daytoy ken manamnama a makipasetda metlaeng iti rally a maipatungpal inton Lunes kagidan iti maika-lima nga State of the Nation Address (SONA) ni President Ferdinand Marcos, Jr.
Kabayatanna, impeksa ni Cadiwing a saan laeng kuma nga mangnamnama ti publiko iti traditional politician. //Bombo Noveh Organo
