Ginuyugoy ni Palace Press Officer Undersecretary Claire Castro ni Davao City Mayor Sebastian “Baste” Duterte nga agbalin a responsable kadagiti insawang daytoy a pagsasao ken siguraduenna a naibasar iti kinapudno ken ebidensiya.
Iti video statement ni Atty. Castro idi Hulyo 26, sinungtanna dagiti statements ni Duterte seknan iti maatap a prayoridad ti agdama nga administrayon.
Sigun kenni Atty. Castro, nasaysayaat nga ipamaysa ni Duterte ti atensyonna iti pagsayaatan dagiti residente ti Davao City, nangruna iti tengga ti mapaspasaran dagitoy a layus.
“Instead na unahin ang kapakanan ng constituents sa Davao City dahil nakakaranas sila ng pagbaha, inuna pa talaga ang pamumulitika,” sigun kenni Atty. Castro
Inyunay-unay ti Palace Official a nasaysayaaat nga ipamaysa ni Duturte ti atensyonna iti panangrisut kadagiti parikut a sangsangwen ti masakupan daytoy imbes a mangisawang iti statement a posible a mangitunda iti saan a pagkinnaawatan iti politika.
Maipalagi a binabalaw ni Duterte ti agdama nga adminisrasyon gapu iti maatap a pannakaipangpangruna ti impeachment trial ti kabsatna a ni Vice President Sara Duterte, imbes a ti imbestigasyon ti maatap a naanomalyaan a flood control projects iti pagilian.
