Inlaylayon ti Senate Impeachment Court ti deadline para iti sumagmamano a bangko iti panangisubmitirda kadagiti bank records ni VP Sara Duterte kasaruno iti pangipaulog ti korte iti subpoena para kadagiti nasao a records.
Sigun kenni Senate Presiding Officer Francis “Chiz” Escudero, patganda ti kiddaw ti dua a bangko a maipaayanda pay ti kanayunan a sangapulo nga aldaw wenno agingga Agosto 13 tapno makumpletoda dagiti dokumento a saanda pay laeng a naisubmitir.
Immunan a kinidaw ti maysa kadagiti bangko ti kanayunan nga oras tapno isaganada dagiti rekord ti account transactions, ledgers, journals, ken transaction logs ti bise presidente.
Kabayatanna, kinuna met ti maikadua a bangko a saanda paylaeng a nalpas ti printing dagiti dokumento seknan iti dua a kompanya gapu iti kaadu ti rekord a kasapulanda nga iproseso.
Sigun kenni Presiding, ti nasao nga extension ket maipatungpal metlaeng kadagit dadduma pay a bangko, ahensya ti gobyerno, ken opisina a saklaw ti subpoena.
Ita nga aldaw, ituloy ti prosekusyon ti direkta a panangdamag kenni sigud nga Audit–Intelligence and Confidential Funds Audit Office (COA-ICFAO) state auditor ken Prosecution witness Atty. Roderick Wamil no sadino naituding a matalantan ti maatap a kinakurang ti dokumento iti panangaramat ti Office of the Vice President iti confidential funds, dagiti saan nga agtutunos nga acknowledgement receipts, ken ti maatap a sobra a P150,000 iti liquidation documents. //bombokaren.c.sapirao
