Impaganetget iti Malacañang a dagiti agwarwaras a report seknan iti mapapati a panagtiliw kenni Senador Ronald “Bato” dela Rosa ket maysa diversionary tactic dagiti kaalyado ni Vice President Sara Duterte tapno mai-divert ti atension ti publiko kadagiti isyu iti impeachment trial.
Sigun kenni Palace Press Officer Claire Castro, awan ti konteksto dagiti statement da Atty. Harry Roque ken Atty. Jimmy Bondoc ken mapapati a panggepda a magaburan dagiti imbutaktak iti Commission on Audit seknan iti mapapati nga iregularidad iti panagaramat iti confidential funds iti Office of the Vice President ken Department of Education.
Kabayatanna, kinuna iti Department of Justice ken Department of the Interior and Local Government nga awan iti impormasion seknan iti mapapati a pannakatiliw kenni Dela Rosa, nga agtaltalinaed nga “at-large” iti listaan iti International Criminal Court.
