Binabalaw ni George Villanon Jr. dagiti uppat a kakaduana a body guards gapu iti panangisanud da iti statements dagitoy kontra kenni President Ferdinand “Bongbong” Marcos Jr., sigud nga Speaker Martin Romualdez, sigud nga ako Bicol party-list Rep. Zaldy Co ken dadduma pay a personalinad.
Sigun kenni Villanon, naidiaya ti P20 million agingga P25 million tapno isanudda ti immuna a salaysayda kontra kadagiti nasao a personalidad.
Impettengna nga awanen kadakuada ti sumaruno a mangibabawi kadagiti alegasyon dagitoy.
Iti sabali a bangir, kinuna ni lawyer Levito Baligod a nabayag a maidiaydiaya ti dakkel a gatad ti kuarta tapno isanud dagiti sigud a bodyguards ti akosasyon.
Sigun kenkuana, naidiaya kadagiti sigud a bodyguards ti P5 million agingga a dimmanun iti P10 million.
Saanen nga imbutaktak ni Baligod no sino ti nangidiaya iti gatad ngem impaktina ti text message manipud iti maysa kadagiti nagsanud nga agkidkiddaw iti despinsar.
Iti baet dayta, kinuna ti nasao nga abogado a maawatanna dagiti uppat agsipudta inaramidda daytoy gapu iti personal a rason.
