Pinaglibakan ni sigud a House Speaker ken agdama a Leyte Representative Martin Romualdez ti alegasion ni Ombudsman Jesus Crispin Remulla a daytoy ti adda iti likudan ti panagsanud dagiti ex-bodyguards iti salaysay dagitoy kontra kenkuana.
Sigun ken Romualdez, ti pammabasol ti Ombudsman a daytoy ti adda iti likudan ti panagsanud dagiti sigud a Marines ket mangipakita no kasano ti nalabes a panangidumduma kenkuana ti ahensiya.
Impetteng pay ni Romualdez a ti panagsanud dagiti sigud a bodyguards ket mangpaneknek a saan a pudno ti akosasyon kontra kenkuana.
Impanamnama ti opisial a sakwenna ti akosasyon ken paneknekanna a biddut dagiti mangak-akusar kenkuana.
Maipalagip nga im-imbestigaran ti Ombudsman ni Romualdez iti maatap a plunder, graft ken direct bribery gapu iti maatap a pannangawatna iti kuarta manipud kenni sigud a Congressman Zaldy Co a sumangsango iti nagtutu-on a kaso gapu iti naanomaylaan a flood control projects iti pagilian.
