Kinuna ni Senate President Sherwin “Win”Gatchalian a suportado na ti plano a Pax Silica Industrial Hub ngem impettengna a kasapulan pay laeng a maaddressan dagiti sumagmamano a kondisyon sakbay daytoy a maipatungpal.
Sigun kenni SP Gatchalina, adda ti katukadna a risgo ti dakkel a proyekto no sadino kasapulan a mapagsaritaan a nalaing tapno masalwadan ti interes ti pagilian.
Sigun iti senador, napateg a masalwadan ti karbengan dagiti lokal a komunidad a mabalin a maapektaran gapu iti nasao a proyekto partikular dagiti residente idiay Tarlac.
Malaksid iti dayta, kasapulan metlaeng a masigurado ti umdas ken naan-anay a suplay ti danum ken kuryente para iti operasyon ti nasao nga industrial hub.
Inladawan ti senador ti Pax Silica kas addang iti panagbaliw iti industriya ti pagilian.
Kabayatanna, sumagmamano nga environmental groups ti nangiyebkas iti panangkontrada iti nasao a proyekto gapu iti butengda a mabalin a dakkel ti agbalin nga epekto daytoy iti aglawlaw ken mangitunda daytoy iti displacement ti sumagmamano a residente idiay Tarlac. //kcs//
