Nagpalagip ti Philippine Consulate sadiay Hong Kong kadagiti overseas Filipino worker (OFW) nga agtungpalda iti visa conditions tapno maliklikanda ti kaso,multa ken ti pannakaibalud.
Karaman kadagiti mapalpalagipan dagiti OFW a karaman iti Foreign Domestic Helper Scheme ken Enhanced Supplementary Labor Scheme.
Mabalin a makasoan dagitoy iti “Breach of Condition of Stay” iti kanito a sumrekda iti trabaho nga awanan iti Standard Employment Contract.
Karaman metlaeng kadagiti mabalin a pakamultaan dagitoy ti overstay.
Nupay kasta, inlawlawag ti Philippine Consulate a saan a saklawen ti nasao a polisiya dagiti permanente nga agnaed sadiay Hong Kong nga addaan iti Right of Abode.
Iti sidong ti Section 41 ti Hong Kong Immigration Ordinance, ti asinoman a napaneknekan a naglabsing iti Breach of Condition of Stay ket mabalin a mamulta agingga iti HK$50,000 ken maibalud iti saan a bumaba iti dua a tawen.
Gapu iti daytoy, indagadag ti Consulate dagiti OFWs a siguraduenda nga agtungtungpal dagitoy iti visa conditions.
