Nakapasar iti stroke ti sigud nga special disbursing officer ti Department of Education (DepEd) a ni Edward Fajarda.
Naituding nga agtestigo ni Fajarda iti impeachment trial ni Vice President Sara Duterte ita nga aldaw, Agosto 24 agingga 26, 2026.
Nupay kasta, nagkiddaw a saan paylaeng a dumar-ay kadagiti nadakamat nga aldaw ti proceedings.
Maibasar iti surat nga imbasa ni Presiding officer Francis Escudero idi Agosto 24, na-confine ni Fajarda iti intensive care units kalpasan a nakapasar ti stroke ti lower back a paset ti utak daytoy.
Iti baet nga inawat ti korte ti medical certificate, imbilin ni Escudero iti medical bureau ti Senado a sukimatenda ti kasasaad ni Fajarda.
Binilin metlaeng ti Senate medical office ti pannakaisubmitir ti report seknan iti kasasaad ken kompirmasyon no kabaelan ni Fajarda nga agtestigo.
Kabayatanna, kiniddaw ni Lead House prosecutor Gerville Luistro ti certified true copy ti medical certificate ni Fajarda.
Nagkiddaw metlaeng ni Luestro iti reservation para iti panagtestigo ni Farjarda intun Setiembre 07, 2026.
