--Ads--
Inwaragawag ti Office of the Ombudsman a 42 ti agtestigo iti case-building kontra kenni sigud a House Speaker Ferdinand Martin Romualdez mainaig iti maatap a flood control kickback scheme.
Pakairamanan daytoy dagiti 28 a baru a testigo ken 14 nga ex-bodyguards ni sigud nga Ako Bicol Rep. Zaldy Co.
Sigun kenni Assistant Ombudsman Mico Clavano, sukimatenda ti original affidavits ken recantations iti manarimaan nga imbestigasyon dagitoy.
Inlawlawagna a saan a mailaksid dagiti immuna nga affidavits dagiti uppat a sigud a bodyguards ni Co a nangisanud iti affidavits.
Malaksid iti dayta, saan metlaeng a makissayan dagiti ebidensiya ti kontra kenni Romualdez.
