Inlawlawag ni Defence Secretary Gilberto Teodoro Jr. nga adda ti autoridad ni Vice President Sara Duterte a mangikkat kadagiti security escorts daytoy iti aniaman nga oras no saanen nga agtalek kadakuada, iti polis, wenno iti korte.
Sigun kenni Teodoro, desisyon ti Bise Presidente ti mangikeddeng no kayatna a pagtalinaeden ti dandani 400 a security detail daytoy a kaaduan ket manipud iti Armed Forces of the Philippines (AFP).
Ti nasao a statement ket kas sungbat ni Teodoro iti komento ni VP Duterte idi Setiembre 5 kalpasan a nagpiyansa iti P360,000 iti Quezon City RTC mainaig iti tallo a kaso ti grave threats.
Impeksa ni Teodoro a karbengan ni VP Sara a kiddawen nga i-withdraw dagiti escort a soldado, anyaman man oras.
Innayonna a ti panangipaay iti AFP security ket maysa a pribilehiyo ken mabalin a kiddawen a maikkat no napukaw ti panagtalek ti bise presidente kadagitoy.
Iti agdama, awan ti naawat ni Teodoro a kiddaw ni Duterte a maikkat dagiti escort daytoy.
