Pinaglibakan iti kampo ni Senador Loren Legarda ken ti anakna a ni Batangas 1st District Representative Leandro Legarda Leviste ti alegasion a karaman dagitoy iti iligal nga aramid seknan iti solar energy business.
Sigun kenni Atty. Tony La Viña, pannakangiwat ni Legarda, awan ti inaramidda nga iligal wenno saan nga umno nga addang ti senador ken ti anakna.
Impaganetget ni La Viña nga awan ti pormal a kaso kontra kada Legarda ken Leviste gaputa adda iti preliminary investigation stage paylaeng ti imbestigasion iti Office of the Ombudsman.
Manarimaan ti panangimbestigar iti Ombudsman ka da Legarde, Leviste ken sigud nga Energy Secretary Alfonso Cusi seknan kadagiti kontrata kadagiti solar energy company ni Leviste.
Sigun iti Ombudsman, napaay dagiti kumpania ni Leviste a maipaay ti naikari a solar power iti sidong iti sumagmamano a kontrata, nga inawaganna a “ghost electricity.”
Pinaglibakan met ni La Viña ti pakainaigan ni Legarda kadagiti kumpania iti anakna gapu laeng iti relasionda kas agina. Kinunana nga awan ti corporate documents a mangipakpakita iti shareholder, officer wenno beneficiary iti Solar Para sa Bayan Corporation ni Legarda.
Kinuna metlaeng ni La Viña a mabalin nga adda ti pagkurangan iti panangipatungpal kadagiti proyekto, ngem saan daytoy a kayat a sawen nga adda ti naaramid a krimen.
Kabayatanna, inawagan iti kampo ni Legarda a “political persecution” ken “lawfare” ti imbestigasion, nangruna ta nagsao ni Leviste kontra kadagiti alegasion iti korapsion idi tawen 2025.
