--Ads--
Kinarit ni Duterte-allied lawyer a ni Atty. Israelito Torreon ti House prosecution panel a naneknekanda nga adda ti pakainaigan ni Vice President Sara Duterte iti Gencorp Industries Inc.
Impetteng daytoy nga iti kanito a mapaneknekan nga adda ti pakainaigan ti bise presidente iti nasao a negosyo, ditoyen nga agpammalawag ni Duterte.
Sigun kenni Torreon, naka-iggem daytoy iti kapada a kaso mainaig iti “inaccurate declaration.”
Immuna metten a kinuna ti House prosecution panel a ti maulit-ulit a panangiraman ni Duterte iti nasao a negosyo iti sinapataanna nga Statement of Assets, Liabilities, and Net Worth (SALN) ket mangpaneknek nga ammo ti bise presidente ti maipapan iti negosyo.
