--Ads--
Pinatgan ni Presiding Officer Francis Escudero ti kiddaw ni Davao City Mayor Sebastian a maiyakar ti aldaw a panagparangna iti senate impeachment court iti Setyembre 29 ken 30.
Naituding nga agparang ti nasao nga opisyal ita nga aldaw.
Iti surat nga impatulod ni Mayor Baste ita nga aldaw iti senate impaeachment court, inlawlawagna a kasapulanna ti kanayunan nga oras tapno mangi-organisa kadagiti kasapulan a dokumento a nailanad iti subpoena daytoy.
Namnamaen met ti house prosecution panel a mangipaay ti testimonya ni Mayor Baste Duterte seknan iti GenCorp Industries Incorporated, maysa a kompanya a maikonkonekta kenni VP Sara Duterte a kabsatna.
